تجربتي في قناة نريد الالكترونية

تعرفت علي قناة نريد الالكترونية عن طريق مسابة الشعب يريد اللي عملتها القناة ، واشتركت بها كمراسل صحفي من الوادي الجديد وكمحرر اخبار ميديا اجتماعية ، واجريت حوارات مع كلا من المقدم محمود عبد النبي والدكتور احمد حنفي


وفذت بالمسابقه كاحسن مراسل صحفي عن خبر عربات اطفاء تجاهد من اجل اطفاء حريق سيوه
وبعدها انتقلت الي القاهرة لاكمال دراستي وعملت مع القناة كمراسل ميداني وقمت بتغطية العديد من الاحداث مثل
احداث السفارة السعدودية
مليونيات في التحرير
وساعدتني القناة بشكل كبير في تنمية مهاراتي الصحفيه وخصوصا من النصائح الكتيره اللي كان بيدهالي الدكور احمد انور فؤاد

فنان كاركتير

 كان نفسي ابقي بعرف ارسم ، بس محصلش نصيب ، فدورت علي ناس ممكن تصمم الافكار اللي بتجيلي ، و لقيت بس المشكله ان كل شغلهم كان فوتوشوب مفهوش روح زي الرسم اللي بالقلم

ودي بعض الافكار اللي كانت فكرتي وحد نفذها ( كاركتير و كوميكس )

اول زيارة لميدان التحرير

جمعة 1/4/2011 جمعة الحفاظ علي الثورة ، كان اهم مطالبها محاكمة صفوت الشريف وفتحي سرور وزكريا عزمي

الواحد وقتها حس انه صاحب ارض مش ضيف

مسابقة editor lap

من ضمن المسابقات اللي اشتركت فيها وكنت ضمن فريق قناة نريد الالكترونيه وكنا بنافس فرق من مؤسسات اعلاميه اخري زي المصري اليوم و اولاد البلد والاهرام

عملنا تطبيق لرصد انتهاكات الانتخابات وعجب الانس جدا بس محصلش نصيب ، المهم ان الواحد اتعلم جديد

ودي صور للمشروع اللي اتقدمنا بيه

مؤتمر اتحاد تنمية مصر

الاتحاد كان عامل مؤتمر وكان اسمه طويل قوي ( الواقع والمأمول .........) المهم كان الحضور كويس والتنظيم لحد ما كان كويس
واحل حاجه اني كنت متخانق مع واحد وصلاحته

يمكن اول مؤتمر اشارك في تنظيمه ، وكنت مسئول لجنه اعلاميه

مطرب علي اد حاله

رغم اني مقتنع بمقولة احمد عدوية ان الغني بالسميعه مش بالصوت ، لكن اخيرا اعترفت اني مغني مش موهوب انا ممكن اغني زي كل اللي بيغنوا ، لكن لا انا عبد الحليم ولا فايد محمد فايد

في سنة ثانية ثانوي كنت موهوم باستار اكاديمي وقررت اني حشترك معاهم وفضلت اغني واتعلم ، وفي سنه اول يكليه اشتريت جيتار ومن ساعتها وهو مركون لاني مش واخد الموضوع هوايه

دي تجربه من اغنية ورجعنا في كلامنا ليه اغنية انغام ( احنا اسفين يا انغام

                                                         اسمع من هنا

تجربة تحويل الاخبار لانفوجرافيك

طبعا في بعض التجارب اللي سبقتنا في انها تحول المعلومات لانفو جرافيك وخصوصا الاحصائيات و ده اللي بتعمله اليونسكو واليونسيف

لكن انا فكرتي اني احول كمان الاخبار الي انفوجرافيك ، يعني بدل ما تفضل تقرا خبر طويل تشوف صورة ملخصه الخبر ده كله
التجربه دي مفيش ولا اي موقع اخباري عملها في مصر ، وبنسبه كبيرة متعملتش كمان بره مصر عشان كده انت بتوقع ان التجربه اللي حنعملها حتكون اول مرة تتعمل في العالم كله

وده نموذج للتجربه
ده لينك خبر في موقع اليوم السابع عبارة عن تقرير عن الاحتجاجات يوم عيد العمال اضغط هنا
وده الانفوجرافيك بتاعه

طبعا انا بفكر جديا بعد ما اثبت الموضوع واقدر اثبت ان فعلا الفكرة كويسه وتبدا مواقع اخبارية كتير تستعين بيه ، ححاول اعمل تطبيق يقدر يحول الخبر المكتوب لانفوجرافيك علي طول ، يعني بدل ما مصمم جرافيك يعمل الصورة دي التطبيق يعملها لوحده

طبعا موضوع التطبيق ده محتاج فلوس كتيييييييييييير جدا في الموضوع متأجل للمستقبل البعيد

الفكرة دي بتاعتي وتنفيذ شريكي محمد حافظ